Friday, 10 July 2009

• 我在晨崗的第一次

  我冇諗過我會在晨崗做呢樣野....
  因為一直以黎,除左某個"同事"令到我好唔開心之外...
  今日對住崩潰咁濟ge我.....真係可謂煩躁(可能係過敏啦~)
  但係我自問我性格已經改左好好多,
  如果唔係我ge性格再激ge行為都可能會發生,,,,
  但可笑ge係....(點解我今日會咁ge?!)

  事源.....
  等我講下我今個星期要做d咩啦~
  (雖然唔係咁關事,但都有間接關係ge)
  1. 為家長日出指示牌
  2. websams資料更新
  3. 學生活動相片收集
  4. 校園電視台房校產盤點
  5. 為應徵TA的應徵比分
  6. 出各獎獎狀
  7. 開會
  8. 整校務報告
  9. 將同事ge相resize
  10. 幫同事倒相去sever
  11. 影相
  12. 執房
  13. 有學生返黎時幫手探熱
  14. 應付校務處應有事務(聽電話,fax,寄信...)
  15. 印信比人改,比人簽
  16. 應付外來訪客一切問題
  17. 應付同事無理的要求
  18. 印文件
  19. 開大閳,關大閳
  20. 今日新加(叫外賣....校長要食m記而叫我地食雪糕=o=")
  21. 今日新加(送蛋糕上去比校監~)
  22. 今日新加(劈粟米)
  23. set咪...
  24. 不斷借相機+不斷充電
  25. 追收有關同事monthly report
  26. 老師細名牌仔(分色,分科)
  27. ................仲有好多好多....

  一直我都係拎住句"做野死唔到人ge,咪做囉!!"黎做野
  但係尋日....我真係開始崩崩地.....
  因為復活節時,比pe科同事叫左一齊點校產+影相
  尋日有關科組老師(A,B)問我d相去左邊!?
  我話當時我有搞過....因為有阿bun負責(前文有提佢係咩人唔洗再介紹)
  但係佢竟然推返比我...話我負責,仲整唔見添!!!!!!
  我當時唔係咁清楚咩事,一直都冇理
  之後pe班同事(B)係開會時專登叫我過去問我咩事
  我又係果句....我唔知,唔係我負責!!
  果時(A)都問過我咩事,但係真係唔記得...
  同埋開緊會...唔講住(A事後詢問我,都信我唔知...)
  點知.....B一直見我一次話我一次我負責
  叫我死返出黎,一係就影過比佢
  我話係阿bun負責,佢話一定唔係,唔關佢事
  但係B每次見我唔到,佢又黎搵我(我同時間要處理以上其中5樣)
  好忙,好唔得閒,好燥時都係咁話我有搞過,係我搞唔見,叫我死返出黎
  我真係好好脾氣........每次我都禮貌地推佢唔得閒
  但係我可以忍佢一,二,三,四,五,六,七次
  但係係半日七次.....我都仲可以忍到!!!
  好老實,今個星期未試過早走....
  因為上面我打ge野,樣樣都係趕.....唔可以比借口自己走
  做到個人都唔知自己想點....
  我尋日開msn都係果句..."唔好再踩我條尾!!!!否則後果自負!!!!!! "
  但係同菜生傾完,真係舒服左好多,要多謝佢添~

  今朝返工我都仲盡量令自己有好心情......
  但係返工都冇40mins.....那位B又來問我相片件事.....
  我真係崩潰,,,,我唔識有反應對佢....
  我只係平淡地對佢講左句
  "我真係好多野做,可唔可以唔好搵我"
  之後我就返入校務處做野.....
  做野果3mins內,我真係愈來愈心酸...
  我發現我唔搵個人講,我係崩潰到極點.....影響工作
  所以我上左去教員室....
  我等升降機時,諗過搵Eva ga!
  但係大家都咁忙,都係唔搵佢.....
  上到去,見到副校.....
  好!就同副校講......
  我一直講完件事都係冇野ga....出奇咁平淡....
  但係講完之後,我正要同李老師跟進我的工作時,
  我d眼淚就出來了......真係唔知我有冇錯....
  真係唔知我在做什麼,但是哭過後....
  我又回到校務處撐至下午.....
  校長說想食m記外賣....又想食雪糕......
  之後叫我問人食唔食,叫夠數......
  仲有我的半個方便的命令^^(我竟然叫校長做野...)
  再撐至嘉賓到開車閳,"針"茶遞水,
  再撐到開會....雖然因為時間問題而坐左去講者附近
  坐左去副校等高層果邊(雖然係自由坐,但係.....近咩者咩嘛.....而我......)
  哈哈...比我見到講者個工作證.....
  "蘇建群先生"------外評的簡介會講者
  我諗到ge係....
  上個月尾,同阿鏘佢地去唱k
  在k房電腦工作時,比阿鏘見到今日ge開會備忘---"ESR 會議 蘇先生及全體"
  佢個八卦第一時間問返"佢?蘇生喎......"
  哈哈,真係諗返都覺得好笑,
  唔知同"蘇sir"有冇關呢?!^_^

  唔玩喇.....聽日仲要返工,希望唔洗由9-12變到9-5都唔得啦~

  • 11:55 PM
  • 7 Views
  • 4 eProps
  • 4 Comments