個人性格問題...
如果你係覺得我嬲你ge話,
請你唔好不斷咁同我講呢個話題....
又或者不斷叫我唔好嬲你!!!
都係果句性格問題...
你不斷叫提住件事,對我黎講...
即係你要我成日記得...
我好憎將我唔開心ge野帶住好耐....
係~有時係會耐d ge....
但係都唔好係我面前不停咁提住!!!!
只要比d時間我, 我一定會冇事!!!
我總覺得,時間可以沖淡事情ge情緒
但係如果你一直同我提住...
我做到ge....只會繼續嬲下去,或者更差~

如果我唔係真係嬲,而你話我嬲緊ge....
我會比多少少時間你去轉話題....
同上面講ge一樣....
係愈提住件事,我就愈興!!!
所以任何時候,請你唔好問我嬲咩
或者勁提住件事!!!
每次你覺得我嬲時,唔該....
問最多兩句....我都係一樣語氣咁答你"冇野"...
請你知機...別再提!!!(意思係叫你以後都唔好問返轉頭!!!)
唔好隔左陣又問返我咩事!!!!
咁做我包你一定有反效果!!!
無論你問我咩,我都唔會再理你!!!!!!
直至我心情慢慢地好轉!!!你再試試轉話題吧!!!

如果我真的唔開心,其實我好少放係面度!!!
好多時,我都會自己解決到!!!
但如果你見到我唔開心, 請你試問完三句以下便收手!!!
否則我的"唔開心"將因你而起!!!
在你的"三句問候"中,如果我想講,我就一定會講!!!
但係如果我乜都冇講過ge.....
你唔好再估喇....
可能係我本身冇事,但係冇任何表情而做出黎ge樣....
但係你見到我面口改變....
你都係唔好問....比我靜靜!!!
可能一陣我會話返比你知....
又係果句.....唔好不停咁問我!!!

如果你見到我唔舒服....
你問左我三次,我都係話你知冇事!!!
你要小心....
一.可能係我唔想你擔心.....
(只要係你陪我一陣,或者我話你知ge方法去幫我就得喇)
(當然你可以繼續問我食唔食藥ge,但係唔該你準備埋糖同暖水先問我)
(我唔一定會食ga!)
二.我真係冇唔舒服....
(其實方法同上面差唔多)
但係如果我冇事,我一定會有其他句子去話你知我冇野....
如..."唔採你呀""都話冇野呀""你好煩呀!!"(當然會係笑住同你講ge)

我諗到ge係咁多....
如果你有咩...
其實問下...詩珩,Eva,Emily...
佢地可能幫到你~
因為我有時會話佢地知我咩事....
當然我唔想你問佢地...
而係你真正咁明白我啦~
但係我知,,,,呢個時候,我講呢句野.....
係冇可能ge事!!!
加油啦~ 總之記住"事不過三"
我唔多鍾意同一句野係同一個時刻講三次或以上ga!!!
唔好迫我.....多謝合作!!!

好開心呀~
我終於在晨崗學校做夠一年喇....
聽日可以第二年喇~
回想返第一日返工...
至到e+....真係有d感慨.....
唔好問我點解...但係總係feel到有d啦~

之前諗住今日係我好特別ge日子,
諗住.....算啦...已成過去....錯在我唔講出黎~

不過...老實講,,,,我今年係呢度做....
真係好開心....試左好多野~
有好多ge第一次...

第一次入班...
第一次帶仔去廁所...
第一次要同班女扎頭髮...
第一次比學生同我講d好sweet ge野
第一次用MAC機
第一次用TA身份黎做電腦文件
第一次要兩星期做三個會議紀錄
第一次起成個學校網頁
第一次整學校ge轉堂鐘聲
第一次同"校長,副校,主任"可以fd到咁...^_^"
第一次以TA身份做IT野
第一次以TA身份做總務組ge野
第一次以TA身份帶隊
第一次以TA身份處理"消防"ge野...

第一次同隔離學校ge同事相識
第一次同隔離學校ge同事傾計...
第一次同....
唔寫喇!!!!!

總之好多第一次啦~

我ge第一年就咁就過左喇~
聽日就係第二年ge開始...
唔知有冇d咩事發生呢?
只係知道....P2A同學仔...多謝你地今日ge合作~
雖然都總係要鬧....但係今日鬧少左=.="
希望聽日ge新開始...
我會在改變,你地會在成長...

(唔知自己寫咩,,,總之就開開心心咁過左成年晨崗生活啦~)

2009年10月27日....我22歲生日的那天
心情良好,只係攰左少少~

今日起身覺得個頭冇尋日咁痛...所以決定返工
點知行到火車站先發覺自己冇戴錶...==
又唔想返轉頭,冇錶我又做唔到人
唯有打電話比媽媽求救
去到小巴站,發現勁多人排小巴(蝦人ge!!早左出門口啦都要人排咁長)
結果排左半個鐘先上到車
返到學校都係遲左5mins!

一返到去...個人就唔多妥咁...不過算啦~要去當值!
一路當值,一路同eva傾計,哈哈~
傾傾下佢無啦啦話保榮搵過佢,
問佢ESR係咪完左,
eva仲以為我地又鬧左交...
又叫我生日開心d...
聽到我一頭霧水?!

當值完左之後去左上堂,今日班仔都好聽話...
匡庭都算乖...子軒又肯聽教...阿橋仲好得意(哈哈)
到左食飯前果堂,T話去食lunch喎~
是旦啦,反正冇帶飯=.=
上完堂之後,處理左我果班ge派飯之後就走左去食飯
真係好趕咁....(都算係呱=.=)
出到去見知...原來佢地叫埋阿邊個去食飯=口="(蝦人ge!!!)
成個路程我都好無奈....好似比佢地玩我咁=.="

去到食台灣野~我坐左去eva隔離...
但係佢就坐左去我對面
我真係勁尷尬呀>///<
之後,一路用電話同eva講野
哈哈...我唔敢望對面呀...
得閒望下左
得閒望下右
總之唔多想望前面咁,.
場面真係....>///<
之後決定同emily一齊share個飯
結果我都係食唔哂=.=
好飽咁...(我食過咩呢?冇呀,一塊方包ja!搞咩呀?!)
一路比eva ge媽媽性格話我嘥野o'.'o
我都唔想ga!但係真係食唔落吖嘛....
(最衰都係我對面坐個咁ge人啦,係呀係賴你ga!)

食完飯,心血來潮突然間好想食糖喎
所以就去左買糖糖食囉...(點知冇我鍾意食ge士多啤梨糖糖,好唔開心)
買完就返去lu~
點知返去期間...佢竟然冇啦啦話我指人去唔知同佢講咩...
我聽到一頭霧水...(我生左日係咪蠢左呢?!點解唔明ge?)
之後佢話我冇講過!!佢又好似唔信我咁!!
真係好鬼嬲呀...點解你唔問返佢地先同我講野ga je
係喇,咩都係我話事喇....咩都係因為我喇~好未?!
真係好唔公平呀!!!

到左放工時間,因為仲有野做,唔走得住
行黎行去咁忙...
仲要比O姐話我要交個網頁出黎喇-.-"
比多兩日時間我都好吖...我仲有好多UPDATE未做呀=.="
唉...E+每入到office就諗起個網頁
但係又做唔到,點死出黎呀>口<"
做埋d手尾,聽埋電話...
今日5:35pm走(算係咁啦~)

出到去就見到保榮同fox!真係好尷尬呀
可唔可以唔好咁望我喎...我有做錯野咩?!
唔制呀,我真係面紅到死喇!!
之後,因為我咩行程都唔知...
佢話行邊就邊咁,,,,
佢話行慢d就慢d
by506bus就506BUS
佢話坐我就坐...
我都唔知自己做緊咩~
好彩EVA有同我SMS左陣
我可以唔洗咁尷尬咁對住佢=P

我地去左市中心到落車,之後佢帶我去左唔知咩商場
入到去,佢叫左我坐低等佢一陣...之後就行開左
唔知等左幾耐(好似好耐咁)我開始有D緊張...
唔知佢去邊,做D咩呢,我坐係度做咩呢?!
我又send SMS同詩珩救命
應我同時,我中學師妹又同我傾SMS喎
好忙咁ge時候,佢無啦啦出現返...(係我冇留意佢返左黎=.=)
之後,佢住左拎左紥花....(我真係好驚喜ga!第一次收花,竟然係...)
不過係重左d囉...
佢個蠢人仲要買左隻公仔比我做生日禮物喎
公仔又咁大隻,花又咁大紥...
拎得d咩喎!!!
之後佢幫我拎住d花,我拎返袋生日禮物
好蠢ga!!!點解唔係學校送比我喎...我可以放低隻公仔先嘛!!
e+拎得咁辛苦><"蠢人!!

之後佢帶左我去的士站...?
上到車,話去黃金海岸喎....
係車到,真係唔知同佢講咩好,覆sms....冇lu~
去到之後,佢帶左我去食自助餐...
去到都未開始,所以我地坐左陣
隔離枱咁岩人地一家人黎食(有d嘈ge,唔怕啦)
我真係冇咩胃口食野(做野太攰呱,呢排都係咁)
每次都係佢拎咩我食咩,,,,我都冇拎過野食...(哈哈,懶嘛)
之後佢又要影相喎!!!
有咩好影je~我又唔係靚,又唔係特別like影相喎
唔好影啦~仲要影哂人地d醜怪相><"
好衰ga!!!!!

食到咁上下9:00pm左右話走
佢影左幾張酒店景ge相...
之後就出左去出面
但係因為太大風,凍凍地咁,
所以佢話唔影喇喎~
決定送我返屋企喎...
返返去酒店到by taxi!
上到車無耐,因為好攰.....
挨左去佢髆頭...唔知幾時就訓左...
到左佢叫我起身...
第一句就問我識唔識去太平邨...
(我識呀,但係by car咁就.....)
司機都好好人叫我地到左上水計之後跳果d錶唔收錢!!
我都唔知點同佢講....

終於返到太平邨
因為都係怕佢唔記得....帶返佢去邨口...之後我先返屋企~
仲....唔講lu~
收工~做野lu~bye bye!!!